اضحك وفرفش

اضحك وفرفش


واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

واحد نازل من بيتهم شعره منكوش صاحبة بيقولولة شعرك منكوش قالهم "منكوش" دعوه

دكتور بيطري بيقول لمراته انا بهيم في حبك قالتله وانا ماقدرش ارفسلك طلب

مدرس عربى دخل الفصل قال النهارده حصة املاء .... يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس

مرة واحد احول بعد 30 سنه اكتشف انه بيصرف على بيت الجيران

واحد عصبى إتجوز واحده عصبيه الدكتور بيولد مراته..نزل الواديقول للدكتور إبعد إنت أنا هانزل لوحدى

مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل

واحد طويل شرب لبن مات ليه؟؟؟؟؟؟؟؟؟؟؟؟؟؟ عشان صلاحيته انتهت قبل ما يوصل بطنه

واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده

واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت

مره واحد غبي بيقول لصاحبه ايه رأيك انت تاخد شهر اجازه من الشغل وانا اخد شهر اجازه ونسافر شهريين فرنسا

مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته!!

واحد بيقول لمراته هو فين الكلب اللى جبناه يحرس البيت ؟؟؟ قالت له : سرقوه الحراميه أمبارح .

مضيفة طيارة بتسأل راكب صعيدى ... تحب انزل لك عشاء كامل ؟؟؟؟ رد عليها : ليه هو كامل مش حيتعشى!!!

واحد قتل حماته وفى القسم الظابط بيسأله اسمك ايه؟ قال له: اكتب فاعل خير .... انا مش بحب التفاخر

سأل المدير مراقب الامتحانات... ليه طردت التلميذ من الامتحان ؟ المدرس: كان بيغش .. المدير : إزاى ؟؟؟ المدرس : شفتة بيعد ضلوعة في مادة العلوم

سال المدرس التلميذ : فى عام 1769 ولد شخص هام فى تاريخ فرنسا فمن هو ؟ اجاب التلميذ : نابليون يا استاذ ... ثم سال المدرس : وفى عام 1772 كان هناك حدث اخر ....... أجاب التلميذ : اصبح عمر نابليون 3 سنوات

فى واحد كريم جدا بيته اتحرق جات المطافى تطفيها قال والله العظيم ما تمدوا ايدكم ولا تفتحوا الطفايات غير لما تشربوا الشاى

اذكرونى فى صلواتكم اخوكم

مجدى تامر