كيف اتعامل مع المنتدى ؟

بسم الثالوث القدوس



انا جديد فى المنتدى ومش عارف حاجه , عايز اعمل توقيع ومش عارف , مش عارف اغير الصورة الى فى الجنب دى , عايز اغير ايميلى .............
اسئلة زى دى كتير جدااا بنسمعها وكنا بنقولها كلنا فى الاول علشان كده الموضوع ده ان شاء الله حيكون فى اجابة لكل الاسئلة من النوع ده


البداية


بعد متسجل فى المنتدى وتنشط عضويتك من الايميل حتدخل على الصفحة الرئيسية للمنتدى وفيها حتلاقى الشكل من فوق




المثلث الى فى اليمين ده اسمه " تقليص او توسيع الترويسه " (معلش هوا اسمه كده) وطبعا وظيفته باينة من اسمه ان بيقلص او يوسع الترويسه والترويسه دى اصلا المكان الى فيه اسمك ومعلومات عن زمن اتصالك وعدد رسايلك الشخصية (ممكن تضغطو عليه وانتو تلاحظو الفرق بنفسكم )

اول ايقونة معانا هيا ايقونة الرئيسيه ودى حتلاقوها مفيدة جدا لو انتا كنت فى موضوع جوه اى قسم وحبيت تطلع على الرئيسية مباشرتا

تانى ايقونة معانا وهى ايقونة مساعدة ودى بالضغط عليها حتفتحلك صفحة المساعدة ولكن باللغة الانجليزية

التالته هى بحث ودى بتفتحلك صفحة البحث وممكن الاستغناء عنها بالمكان المخصص للبحث اعلاها



او اسفل الصفحة



الايقونة الرابعة وهى الهوية ودى الى منها تقدر تغير وتعدل بياناتك الشخصية وتوقيعك وصورتك وكل حاجه وحنتكلم عنها بالتفصيل

الايقونة الخامسة التقويم ودى حتبينلك النتيجة بالاحداث الخاصة باعضاء المنتدى كاعياد الميلاد او الاعياد الدينية

الايقونة السادسه والاخيرة وهيا خروج ودى مفيدة لو انتا قاعد فى سيبر او مش على جهازك لانك لما تدخل تانى حيطلب منك كلمة السر حتى لو كنت مخلى الاكسبلورر يفتكر الباس بتاعك

تحت اقسام المنتدى فى اخر الصفحة الرئيسية حتلاقى ايقونة تعليم كمقروء
ودى حتعلملك على المواضيع كلها كانك قريتها


وبعد كده حتلاقى الجزء الخاص بمركز المعلومات بتاع المنتدى وبيحتوى على
1- قائمة باخر عشر مواضيع تم الرد عليهم او انشائهم
2- عدد المشتركين والمواضيع والرسائل ( ستجد كلمة " احصائات اخرى " بالضغط عليها تدخل على مركز الاحصاء التفصيلى للمنتدى )
3- عدد واسماء المستخدمين المتصلين

كل ما فات من الممكن ادراكه بسهولة لذلك سنكرز فى مايلى على الهوية

عند الضغط على ايقونة الهوية ستفتح الصفحة التالية
تابع الشرح على الصورة




سنجد على اليمين قائمة سنحاول معا تغطيتها


معلومات الهوية

"مختصر" وهى الصفحة المفتوحه حاليا

اما عند الضغط على " عرض الإحصاءات" ستظهر لك احصائاتك فى المنتدى

و "عرض الرسائل" لعرض كل ماقمت بكتابته سواء كان ردا او موضوع


تحرير المعلومات الشخصية ( وده الى احنا عايزينه )


" إعدادات الحساب "
وده لو انتا عايز تغير حاجات عن نفسك كنت كتبتها فى التسجيل
يعنى مثلا ممكن تغير الاسم الى باين للناس فى المنتدى او الايميل بتاعك او الباس بتاعك بس لازم بعد متغير تكتب فى اخر خانه الباس الحالى بتاعك وتضغط " تغيير الهوية "


" إعدادات المنتدى "
وده الى ممكن تغير منه صورتك او توقيعك

1 - الصور الشخصية حتلاقى فيه 3 اختيارات


اولا تختار صورة من الموجودين فى المنتدى وعلى فكرة فى صور جميله جديده موجوده لو انتا دوست على NewAnimation حتلاقى في قائمة فرعية ظهرت تقدر تختار منها الصورة الى تعجبك
ثانيا ممكن تحط اللينك المباشر لصورتك لو عندك صوره مرفوعه او صوره عجبتك موجوده على النت تقدر تاخد لينكها وتحطه فى الفراغ ده
( طب حاخد لينكها ازاى ؟ تقدر تضغط بزرار الموس الايمن على الصورة وتختار Properties ومن النافذه الى حتظهر تاخد المكتوب قدام كلمة URL كوبى وتحطه فى مكان لينك الصوره )

ثالثا لو عندك صوره على الجهاز تقدر تعمل Browse وتختارها من جهازك

2 - النص الشخصي تقدر تكتب اى كلمة عجبتك هنا وحتبان تحت الصورة مباشرتا

وتقدر تغير بعد كده فى تاريخ ملادك او ايميلاتك او موقعك


" التوقيع "

كلنا بنحب نضيف لمسة شخصية للتوقيع بتاعنا سواء بصورة او بكلمة وعلشان تعمل توقيع شكله حلو ومنسق وبطريقه سهلة جدا
بتفتح فى صفحة تانيه اى قسم من اقسام المنتدى وبعد كده بتدوس على زرار "موضوع جديد " علشان يفتحلك الصفحة الخاصة بكتابة موضوع جديد وفيها تقدر تكتب او تحط لينك الصوره وتعدل فى مكان الصوره والكلام وحجمه ولونه
وبعد متخلص وتعمل معاينه ولقيت الشكل النهائى عجبك تاخد كل الى انتا عملته فى خانه كتابة الموضوع كوبى وتحطها فى خانه التوقيع وكده حيظهر توقيعك زى مكان باين لما كنت بتعمل معاينة


وعلشان تتعامل بسهولة معا كتابة الموضوع تقدر تشوف الموضوع ده ممكن يفيدك اضغط هنا

وبكده بقا عندك توقيع

بس اوعا تنسى بعد متعمل الكلام ده كله تدوس على


" تفضيلات الشكل و المظهر "

ومنها تقدر تختار شكل الابتسامات المعروضه وان شاء الله الادمن بتاعنا حيحط ابتسامات جديده جميله
وتقدر تغير التوقيت وفيه اختيارات تانيه كتير


" التنبيهات و البريد "

وده خاص لو عايز المنتدى ينبهك ان موضوع اترد عليه او فيه ردود جديده


" خيارات الرسائل الشخصية "

وده لو فى عضو مش عايز تستقبل منه رسايل شخصيه ممكن تحطه فى البلاك لست ومستقبلش منه اى حاجه وممكن تختار لو حد بعتلك رسالة شخصيه ان المنتدى يبعتلك ايميل بالرسالة


الإجراء

" حذف هذا الحساب " وده لحذف حسابك من المنتدى


وبكده اعتقد ان احنا انتهينا من موضوع الهوية وبقيت كده مش غريب عن المنتدى وتقدر تعمل الى انتا عايزه
ولو فيه اى سؤال او استفسار احنا تحت امرك
وياريت يكون الموضوع افادك حتى ولو البسيط

اختكم c.t.v
https://elbatel.yoo7.com